Rrjeti i Grupeve të Grave të Kosovës

Rrjeti i Grupeve të Grave të Kosovës (RRGGK) është një nga rrjetet kryesore të grave në Kosovë me më shumë se 55 OJQ anëtare nga e gjithë Kosova. Misioni i RRGGK-së është të mbështesë, mbrojë dhe promovojë të drejtat dhe interesat e grave dhe vajzave në gjithë Kosovën, pavarësisht nga religjioni, besimi politik, mosha, niveli i edukimit, orientimi seksual, dhe aftësitë e tyre. Objektivat e RRGGK-së janë: Të sigurojë pjesëmarrje të barabartë, aktive dhe efektive të grave dhe vajzave të reja në zhvillimet ekonomike, politike dhe shoqërore në Kosovë. Të avokojë për të drejtat e grave dhe vajzave të reja në të gjitha sferat e jetës.Të fuqizojë lëvizjen e grave në Kosovë përmes mbështetjes reciproke dhe solidaritetit. Të sigurojë rritjen e pjesëmarrjes aktive të grave nga Kosova në iniciativat rajonale dhe ndërkombëtare për promovimin e të drejtave të grave.