Paraqitni organizatën tuaj – bëhuni partneri ynë në fokus këtë muaj

Kush është në fokus?

Ju jeni në fokus, sepse është me rëndësi ju të jeni ata dhe tanimë jeni në vendin e duhur. OneWorld EJL bashkon mbi 170 organizata joqeveritare në rajonin e Evropës Juglindore.
Nuk njihemi sa duhet, e për të bashkëpunuar më mirë, ju propozojmë të jeni në fokus.

Pse është me rëndësi të jeni në fokus?

Në këtë mënyrë do të njihemi më mirë, do të dimë më shumë për njëri-tjetrin, të vendosim kontakte të reja dhe t’i ripërtërijmë të vjetrat.

Ku jeni në fokus?

Në këtë vend, çdo muaj do të gjeni të gjitha mbi partnerët e OneWorld Evropës Juglindore. Në rast se jeni të interesuar që edhe mbi ju të mësohet më shumë si na kontaktoni .

Partneri ynë i fundit në Fokus është Qendra për Zhvillimin e Mediave. QZhM është organizatë joqeveritare që punon në fushën e legjislacionit dhe politikave të mediave, me qëllim të përmirësimit të mjedisit medial dhe themelimit të një tregu të duhur medial në Maqedoni.

SHIKONI EDHE PARTNERËT E MËHERSHËM NË FOKUS

04.03.2006 Pakti i Qytetarëve për Evropën Juglindore është një organizatë joqeveritare e themeluar me qëllim të ofrimit të përkrahjes së një rrjeti të organizatave joqeveritare dhe vetëqeverisjeve lokale prej të gjitha vendeve të rajonit. Rrjeti aktualisht përfshin 117 organizata anëtare nga Serbia e Mali i Zi (përfshirë edhe provincën e Kosovës nën administrimin ndërkombëtar, Bosnja dhe Hercegovina, Kroacia, Maqedonia, Shqipëria dhe Rumania. Rrjeti është themeluar në vitin 200, si një përgjigje për themelimin e Paktit të Stabilitetit për Evropën Juglindore. Qëllimi i themeluesve ishte që të përkrahin procesin e krijimit të stabilitetit dhe demokracisë nëpërmes bashkëpunimit ndërkufitar në nivelin e komunitetit lokal.

04.03.2006 Aktualisht, Pakti i Qytetarëve është duke punuar në Fushatën për Liberalizimin e Regjimeve të Vizave; Programin për mbështetjen e Proceseve Integruese Evropiane në Nivelin e Komunitetit Lokal; Programin për Zhvillimin e Strategjive Rinore në Nivelin Lokal; dhe, Programin për Bashkëpunim të Komuniteteve Lokale nga Vojvodina dhe Holanda.

04.03.2006 Rrjeti i Paktit të Qytetarëve të Evropës Juglindore është bërë unik në rajon mu për faktin se ai përfshin si organizatat joqeveritare ashtu dhe administratat lokale. Kjo strukturë nuk promovon vetëm bashkëpunim ndërkufitar por gjithashtu edhe ndërsektorial, i cili është i pazhvilluar në mbarë rajonin. Pjesëmarrja e përbashkët e administratave lokale dhe OJQ-ve lokale në projekte të bashkëpunimit ndërkufitar garanton nivele më të larta të përfitimit për qytetarët.

09.03.2006 Pakti i Qytetarëve për Evropën Juglindore është një rrjet i 117 organizatave anëtare nga rajoni i Evropës Juglindore. Ai përfshin organizatat joqeveritare si dhe administratat lokale, gjë që e bën këtë rrjet shumë specifik. Ne biseduam me Rajko Bozic, Koordinator Programi me PQ-në, mbi mundësitë për bashkëpunim të dy sektorëve dhe temën e përgjithshme të shoqërisë civile në rajon.