Full Coverage: Kosovo

30.05.2008 Ministria e Shëndetësisë në bashkëpunim me Institutin Kombëtar të Shëndetësisë Publike të Kosovës, MASHT, Ministrinë e Kulturës, Rinisë dhe Sporteve me OJQ \'Dëgjo rininë\', OBSH dhe OJQ / QAS sot me një Tryezë të rrumbullakët, shënuan 31 Majin - Ditën Botërore pa duhan.

30.05.2008 Banka Botërore ka nisur përgatitjet për pjesëmarrje në Konferencën e Donatorëve, e cila do të organizohet më 11 korrik në Bruksel. Drejtori i këtij institucioni në Kosovë, Ranjit Nayk, ka deklaruar se Banka Botërore është duke u angazhuar maksimalisht në organizimin teknik të saj, si dhe do të jetë aktive në mbështetjen e projekteve të ndryshme afatmesme, që do t’i prezantojë Qeveria e Kosovës.

29.05.2008 Programi për Zhvillim i Kombeve të Bashkuara (UNDP) dhe Oda e Avokatëve të Kosovës (OAK) filluan një projekt që për vitin 2008 kap vlerën prej USD 55 mijë, donacion ky i qeverisë norvegjeze, për iniciativën e trajnimit afatgjatë për anëtarët e OAK-së me një ceremoni rasti në qendrën e re për trajnim në Qytezën Pejton.

28.05.2008 Në raportin e përvitshëm të organizatës prestigjioze, Amnesty International, Shqipëria shpotitet për shkak të problematikës së rëndë në fushën e respektimit të të drejtave të njeriut.

28.05.2008 Këtë vit Kolonia e Artistëve “Ura e Artit” e cila organizohet e cila mbahet nga organizata joqeveritare me të njëjtin emër nga Prizreni ka karakter gjithë ndërkombëtarë dhe për këtë eveniment kulturor janë ftuar emrat më të mëdhenj të artit kosovar dhe ndërkombëtarë (mbi 50 piktorë). Pjesëmarrjen e konfirmuan piktorë nga Japonia, Franca, Turqia,Maqedonia, Bosnja dhe Hercegovina, Mali i Zi, Shqipëria si dhe nga vet Kosova.

28.05.2008 Me anë të një deklarate Asociacioni i Gazetarëve Profesionistë të Kosovës (AGPK) shpreh pakënaqësinë për sjelljet jokorrekte që u bëhen shpesh gazetarëve nga shërbyes civil të institucioneve të qeverisë së Kosovës. Rasti më i fundit është ai i ofendimit të rëndë që i është bërë dje gazetarit të gazetës ‘Lajm\' Alban Selimi nga një shërbyes i lartë civil në Ministrinë e Shëndetësisë, thuhet në deklaratë.

27.05.2008 Kosovës i duhet ndihma ndërkombëtare tani pas pavarësisë së saj për të zhvilluar ekonominë. Ky vlerësim ka dal në konferencën e organizuar me rastin e 13 vjetorit të Institutit Riinvest.

27.05.2008 Organizata joqeveritare ferizajase INPO ka reaguar ashpër ndaj konkursit për përzgjedhjen e udhëheqësit të Zyrës së Prokurimit nga ana e Drejtorisë së Administratës dhe Personelit të Komunës së Ferizajt.

26.05.2008 Çështjet sociale siç janë varfëria, papunësia, energjia elektrike dhe çmimet konsiderohen si problemet kryesore nga shumica e qytetarëve të Kosovës, tregon anketa e fundit e Raportit të Paralajmërimit të Hershëm, e përpiluar nga UNDP-ja.

26.05.2008 Në Qendrën për Edukimin Parashkollor të fëmijëve në Lipjan, CIMIC-i, i cili vepron në kuadër të KFOR-it, në kampin Ville në Lipjan ka realizuar një projekt lodrash për fëmijë, në vlerë për 2 mijë euro.

23.05.2008 Nën organizimin e organizatës Qendra për Trajnime dhe Studime Gjinore, përkrahur nga Programi për Zhvillim i Kombeve të Bashkuara/UNDP u mbajt tryeza me temë \'Shkëmbim informacioni dhe strategjia për fuqizimin e grave në politikë\'.

22.05.2008 The Kosovo Civil Society Foundation completed training for local civil servants on the topic of EU Enlargement Policy and Stabilization and Association Process – Kosovo Case, on May 14.

20.05.2008 Disa sugjerime në prag të krijimit të Agjensionit të Kosovës të Inteligjencies (AKI) që kanë qenë të nxitura nga kuloare të ndryshme për përfshirjen e militantëve partiak në këtë agjension e shndërrojnë atë në një mjet të zakonshëm për të vazhduar kontrollin e partive politike ndaj resurseve ekonomike, sikundër ka ndodhur gjatë këtyre shtatë viteve. Struktura të partive politike në Kosovë, pas lufte, kanë funksionuar si struktura paralegale të sigurisë dhe në rast se një strukturë militare nuk është legale ajo nuk është tjetër veçse krim i organizuar. Luftimi i krimit të organizuar ka ngelur sfida më e madhe për Kosovën dhe kjo është reflektuar edhe në raportet e progresit të Komisionit Evropian.

19.05.2008 Me qëllim të trajtimit të problemeve të ndryshme që kanë nxënësit nëpër shkollat e Kosovës, qendra \"Civitas Kosova\" ka bërë finalizimin e projektit \"Pajtimi përmes Edukatës Qytetare\". Në këtë projekt kanë marrë pjesë 8 shkolla nga 7 rajone të ndryshme të Kosovës.

16.05.2008 Minoritetet joserbe që jetojnë në Kosovë janë të diskriminuara dhe nuk stimulohen për t\'u integruar në shoqërinë kosovare. Kështu kanë thënë përfaqësuesit e organizatave joqeveritare të minoriteteve jo serbe.

16.05.2008 Representatives of non-Serb nongovernmental organizations say, after the meeting held Yesterday, May 15, at the Gracanica`s Media Centre, that non-Serb minorities living in Kosovo are discriminated and are not stimulated to integrate into the Kosovar society.

15.05.2008 Qeveria e Norvegjisë ka dhuruar 260 mijë dollarë amerikanë institutit të vetëm të pavarur për trajnimin e gjyqtarëve dhe prokurorëve të tashëm dhe të ardhshëm të Kosovës duke e identifikuar sundimin e ligjit si një nga shtyllat kryesore të një shoqërie.

15.05.2008 Filloi operacioni për largimin nga rruga të individëve të cilët kërkojnë lëmoshë në mbarë territorin e Kosovës. Kështu këta persona kanë qenë në fokus të një operacioni të policisë në bashkëpunim me Qendrën për Punë Sociale, Kryqin e Kuq dhe Komunën e Prishtinës.

14.05.2008 Në kuadër të projektit “Forcimi i kapacitetit të shërbyesëve civil lokalë për të përfituar prej procesit të Para-Antarësimit - Rasti i Kosovës”, më 14 Maj 2008, KCSF organizoi trajnimin rreth “Politikës së BE-së për Zgjerim dhe Procesit të Stabilizim-Asociimit – Rasti i Kosovës”.

14.05.2008 Këshilli i Komisionit të Pavarur për Media, ka shprehur brengosje lidhur me kërkesën që me datë 16 prill, zyra e kryeministrit ka lëshuar me shkrim kërkesën që tri stacionet televizive dhe katër radiot me frekuencë nacionale të transmetojnë dhe ritransmetojnë fjalimin e kryeministrit në kohë të caktuar specifike dhe në mënyrë të koordinuar, njofton KTV.